Qalb uyg'onishi - Jasur Hamroyev

Yozganlarim qalb uyg'onishiga bir sabab bo'lsa, demak, bejiz qalam tebratmabman.

"QALB UYG'ONISHI"

Oyga aytolmaysan dardingni...Uning tili yo'q, yupatgani. Kun - bozor, dardingni dasturxon qiladi, tun - qora bo'lgani bilan, dardlaringni yopolmaydi, u shundog'am sirga to'la.

Insonlarning har birida bir tashvish. Senga quloq osishmaydi baribir.

Faqat qalbgina seni tinglaydi. Agar, u uyg'oq bo'lsa, uyg'ongan bo'lsa...

Bilsang, o'zingda qalbdan bo'lak, do'st yo'q, asl sirdosh, chin someing yo'q.

Yaratgan sen ila yuzlashadigan maskan - Qalb.

Yaxshilab boq-chi, u uyg'oqmi? Uyg'onganmi?!

Uyg'onmagan qalb obod bo'la olurmi? Uyg'onmagan qalb botiningdan xabar olish uchun tushajak Uning pok nazari uchun nazargoh bo'la olurmi?

P.S.: Ushbu yozganlarim qalb uyg'onishiga bir sabab bo'lsa, demak, bejiz qalam tebratmabman...

Ularning aksariyati ibodat mahalida qalbim eshigini qoqqan... Balki, uyg'otmoq uchundir?! Ilindim sizga ham aziz do'stlarim...

J.H.