Kalaam Hazrat Syed Waris Shah

Hazrat Pir Syed Waris Shah R.A ka Maarfat say bharpoor Punjabi Kalaam....!

Janaab Pir Syed Waris Shah R.A Jandiyaala district Sheikhupura main paidaa howay. Aap R.A aik najeeb ut tarfain shakhsiyyat thay. Aap saadaat e geelaniyaa say nisbat rakhtay thay. Aap kay walid e giraami ka naam Hazrat Syed Qutab Shah R.A tha.

Aap kay walid e Giraami app kay hosh sambhalnay say pehlay he wisaal ferma gaye thay. Aap nay bachpan main he apnay walid e giraami say chand kutab aur Quran Majeed perh liya tha. Iss kay baad ap nay Qasoor shehar say Maulana Ghulam Murtaza kay Madrissa say dars e Nizaami Ki kutab perhin.

Janaab Syed Pir Waris Shah R.A aur Pir Syed Bulleh Shah R.A aik he zamana mainn ikathay taleem haasil kertay rahay aur dono nay hi isi madrissa say hi sanad e faraaghat hasil ki. Dono Saahbaan nihayat zaheen thay.. lehaza dono main rishta e irtabat qaim ho gya. Aap nay aloom e zahiriya say farigh ho ker Hazrat Baba Fareed Ganj Shakkar R.A kay khandaan say rishta e Bait marboot kiya. Aap ka kalaam jo kay Heer kay naam say maroof ai boht he maqbooliyat hasil ki.

Aap nay arfaa kay din wisal farmaya. Aap ka mazaar mubarrak Jandiyala Shair Khan main hai. Aur app kay mazaar per salaana urs manaya jata hai. Jahan per aap ka kalam khoob parha jaata hai. Aur hazaaron ki taadaad main log haazri daity hain.