Hymnal Sūg

Traditional songs of followers of Isa al-Masi used throughout ZamBaSulTa.

Hymnal Sūg

KALANGAN sin manga UMMAT sin TUHAN

In nasulat halawm sin būk ini manga kalangan, in kamatauran kiyawaꞌ dayn ha Hymns of the Christian Life, nasalin pa bahasa Sūg ha babaan sin hambuuk parhimpunan Protestant: The Christian and Missionary Alliance.

Muramurahan in manga tarasul nasulat ha lawm sin būk ini duma karayawan kansiyu-siyu mamacha atawa dumungug atawa kumalang sin manga tarasul ini. Insa Allah!

Pahati sin biyaꞌ diin naawn in būk ini:

In kaibanan kalangan ha lawm sin būk ini naawn dayn ha pagsalin tiyagnaan hinda Bibiano Concepcion, Jack Sabandal kay Luke Bahuluk sin walaꞌ pa in pagbunuꞌ Jipun iban Milikan. Manjari kiyaganapan ha tahun umbul 1953 hinda Julie Schuck kay Rev. Ramon Carino. Sakali, dayn ha tahun umbul 1963 pa 1968 hiyatul iban kiyaganapan mataud hinda Mrs. Dianhua Tan, Gideon Woo kay Rev. James Johnson amu in ngan niya ha bahasa Sūg hi Yakub ibn Yahiya. Hiyambuuk katan pa lawm būk kaagi hi Yakub ibn Yahiya ampa naubus ha tahun umbul 1968. Manjari, hiyatul isab nagbalik iban kiyaganapan tiyuꞌ-tiyuꞌ. Hiyambuuk katan pa lawm sin būk ini kaagi hi Yakub ibn Yahiya ampa naubus ha tahun umbul 1983.

Awn manga piyangaruhan hi Yakub ibn Yahiya haliyu dayn kan Mrs. Dianhua Tan kay Gideon Woo amu walaꞌ kiyabutang in ngan nila ha gikap ini. Malaingkan, pa katan amu nakatabang kamuꞌ bat maawn in būk ini hitukbal namuꞌ kaniyu, ihilas sin atay, in pagsarang-sukul namuꞌ.

Mahuli dayn duun, muramurahan in manga tarasul-kalangan ha lawm sin būk ini makara karayawan pa mabanus Tausug sampay pa in manga makahati sin bahasa Sūg. Insa Allah!

Muramurahan kaw bawgbugan

Bawgbugan da kaw sin Tuhan

Hinduan dayn ha lawm Parman

Tattap datungan karayawan.

Muramurahan da humabaꞌ

In ummul mu di ha lupaꞌ

Bang man diꞌ datungan balaꞌ

Masannang kaw sampay pa sulgaꞌ.

Hymanl prepared for electronic publication by PalmanTuhan.com