Halqa

Kutib Oling. Ajoyib Kitob.

BIRINCHI BOB

... Hind ummonidan suzib borayotgan kemaning nomi «Urvatul

vusqo» bo‘lib, yo‘lovchilar bu kemaga Indoneziya bandargohidan chiqishib,

Saudiya sohillarida tuproqqa tushadilar. Musulmon shirkatiga tegishli kema

ming nafar yo‘lovchini sig‘diradi. Ular ichida har toifa insonlarni uchratish

mumkin. Biroq kemaning qatʼiy qoidasi bor: unda Islomiy axloq hukm

suradi. Kemaga chiqishda bu qoida har bir insonga tushuntiriladi. Ochiq

kiyinish, ajnabiy musiqalar tinglash, behayo odatlar taʼqiqlangan. Sarxush

qiluvchi ichimliklar ichilmaydi, tamaki chekilmaydi. Kemada ixchamroq

masjid bor. Kemaning bo‘lmalari har bir oila uchun alohida.

G‘ayridin ayol yo o‘zi, yo eri bilan chiqa oladi. Muslimalardan hamisha

mahramlari bo‘lishi talab etiladi. Istisno holatlar ham bor, buni kema

rahbariyati hal qiladi.