لعبة سحرية

لعبة مسلية لعشاق التفكير والتحدى - حاول تجاوب على كل الأسئلة فى وصف المطول للعبة

يقال إن اللعبة ديه كانت موجودة فى الجبنة المثلثات زمان

المهم اللعبة الموجودة هى عبارة عن إنك بتختار رقم ما بين و 1 و 15 وبتشوف أربع كروت (كل كارت فى 8 أرقام) وفى كل مرة بتقولى رقمك موجود فى الكارت ولا لأ وبناءآ عليه بقولك الرقم اللى أنت أختارته

الهدف من اللعبة: اللعب عادة بتتعمل على نطاق أوسع إنك تختار مثلاً رقم ما بين 1 و 63 وطبعا عدد الأرقام فى كل كارت بيزيد وعدد الكروت نفسها بيزيد

المهم يعنى اللعبة معمولة على نطاق صغير ليسهل تتبع الفكرة الرياضية وراء اللعبة فالمفروض بعد أما تتأكد إن اللعبة إنها شغالة كويس ومفيش مشاكل تحاول تجاوب على الأسئلة ديه:

إزاى طبعا أنا بعرف الرقم اللى أنت أخترته؟

ليه بخليك تختار رقم ما بين 1 و 15 بالذات ليه مش مدى أكبر أو أصغر من الأرقام؟

ليه فى كل كارت 8 أرقام بس مش أكتر ولا أقل؟

ليه فى كل كارت الأرقام ديه بالذات وهل ممكن أعمل اللعبة بأربع كروت تانين فيهم أرقام مختلفة عن الكروت ديه؟

طبعا لو أنت أصلا مش بتحب الرياضة فكك خلاص قلبك أبيض متقلبش دماغك.