خطار إجاني | الرادود باسم الكربلائي باسم_الكربلائي

Nakhit Al - Radud Basem Karbalai / night 5 month Muharram Al - Haram 1440 AH # Bassem Al - Karbalai

خطار

خطار عدنه الفرح .. اعلق صواني اشموع

خافن يمر بالعكد .. رش العكد بدموع

يا قليبي وين الحزن .. حدر الحدر مرفوع

دومك تون ونتك .. تبكي بدمع مفجوع

طيفك امل كذاب .. فوق السما مرفوع

بالك تصيح بحزن .. صوت الحزن مسموع

خطار عدنه الفرح .. اعلق صواني شموع

شكبان ليلك غضب .. بالك تفز بالليل

دافن بصيص الأمل .. مسهًر نجوم سهيل

والريل فات وجزا .. مالك شغل بالريل

حطلنا موقد جمر .. زوُد سعير الويل

ذوًب شموع الوصل .. فرهد حبابي الهيل

بس لايبوق العمر .. طيف العمر ملسوع

خطارعدنه الفرح .. اعلق صواني شموع

لملم سنين العمر .. عثرهه ليل الظيم

فارشها فوق الهضب .. طرزهه لون الغيم

مشتال عمرك ذبل .. ما حًن نثيث الديم

والكيظ اجاك بثقل .. بعدك تظل امجيم

خيال حلمك مرق .. شتكله عيب انهيم

يبست انهار الأمل .. وانتظر روحي تموت

خطار عدنه الفرح .. اعلق صواني شموع

يدموعي طيفك غرق .. امسح دموع الطيف

شمسح جزاني الوقت راح الحلم يا حيف

قمريه وما مش بعد .. وليش احنا موش بصيف

ظلمه ودواشق حزن لا تظن روحي بكيف

غرًب شراع الفرح .. اهلاً اجانا الضيف

حسبالي يسوى العتب .. تاري العتب مرفوع

خطار عدنه الفرح .. اعلك صواني شموع