Namaz Bələdçisi

Learn the rules of namaz prayer and get time for prayer.

Namaz qılmaq üçün nə etmək lazımdır?

1. Dəstəmaz almaq.

Ey iman gətirənlər! Namaza durduğunuz zaman üzünüzü və dirsəklərlə birlikdə (dirsəklərdən və ya dirsəklərə qədər) əllərinizi yuyun. (Yaş əlinizlə) başınızı və hər iki bəndə (oynağa) qədər ayaqlarınızı məsh edin (və ya: başınızı məsh edin, ayaqlarınızı isə hər iki topuğa qədər yuyun). Əgər cünub (murdar) olmusunuzsa, qüsl edin (bədəninizi başdan ayağa qədər yuyub təmizləyin). Xəstələndiyiniz, səfərdə olduğunuz, ayaq yolundan gəldiyiniz və ya qadınlarla yaxınlıq etdiyiniz zaman su tapmasanız, pak torpaqla təyəmmüm edin, ondan üzünüzə və əllərinizə sürtün (paklığı niyyət edib əllərinizi bir dəfə torpağa sürtərək üzünüzü, bir dəfə də torpağa sürtərək əllərinizi məsh edin). Allah sizi çətinliyə salmaq istəməz, lakin O sizi pak, təmiz etmək və sizə olan nemətini tamamlamaq (artırmaq) istər ki, bəlkə, şükür edəsiniz! (Maidə 6)

2. Namazda geyim və təmizlik.

Ey Adəm oğulları, bütün ibadətlərdə gözəl libaslarınızı geyinin, yeyin-için, lakin israf etməyin, çünki Allah israf edənləri sevməz.(Əraf 31)

3. Namaz qılınan məkanın təmiz olması.

Yadına sal ki, Biz evi insanlar üçün savab və əmin-amanlıq yeri etdik. “İbrahimin durduğu yeri namazgah edin”. İbrahimə və İsmailə də: “Evimi təvaf edənlər, orada qalıb həmişə ibadətdə olanlar, rüku və səcdə edənlər üçün təmizləyin-deyə tövsiyə etdik.(Bəqərə 125)

Yadına sal ki, bir zaman İbrahimə Kəbənin yerini bildirib belə buyurmuşduq: “Mənə heç bir şeyi şərik qoşma, evimi təvaf edənlər, qiyama duranlar, rüku edən və səcdəyə qapananlar üçün təmizlə”.(Həcc 26)

4. Qibləyə dönmək.

(Ya Rəsulum!) Biz sənin üzünün göyə tərəf çevrildiyini görürük, ona görə də səni razı olduğun qibləyə tərəf döndərəcəyik. İndi üzünü Məscidülhərama tərəf çevir! (Ey müsəlmanlar!) Harada olsanız (namaz vaxtı) üzünüzü oraya döndərin! Kitab verilmişlər bunun öz Rəbbi tərəfindən bir həqiqət olduğunu yaxşı bilirlər. Allah onların əməllərindən xəbərsiz deyildir.(Bəqərə 144)

(Ya Rəsulum!) Hər hansı bir yerə getdikdə, (namaz vaxtı) üzünü Məscidülhərama (Kəbəyə) tərəf çevir! Çünki Rəbbin tərəfindən göstərilən bu qiblə haqdır. Allah gördüyünüz işlərdən xəbərsiz deyildir. (Ya Rəsulum!) Haradan (səfərə) çıxsan, (namaz vaxtı) üzünü Məscidülhərama tərəf çevir! (Ey müsəlmanlar!) Harada olsanız, üzünüzü o tərəfə döndərin ki, (özlərinə) zülm edənlərdən başqaları sizə irad tutmasınlar. Siz onlardan deyil, Məndən qorxun; Mən də sizə olan nemətimi tamamlayım (artırım) ki, siz haqq yolu tapasınız. (Bəqərə 149-150)

5. Namazda səs tonu.

Namaz qılarkən səsini nə çox qaldır, nə də çox alçalt. Bunun arasında orta bir yol tut.(İsra 110)

7. Bilinən bir ibadət-Namaz.

--Hz İbrahimin namaz qılması-İbrahim 37, 40, Həcc 26, Ənbiya 73.

-Hz İsmailin namaz qılması-Ali İmran 54, 55, Məryəm 55.

-Hz Musa və Hz Harunun namaz qılması-Yunus 87.

–Hz İsanın namaz qılması-Məryəm 31.

–Hz Zəkəriyyənin namaz qılması-Ali İmran 39.

–Hz Şueybin namaz qılması-Hud 87.

–Hz İsaq və Hz Yaqubun namaz qılması-Ənbiya 73.

-Hz Loğmanın namaz qılması-Loğman 17.

-Hz Məryəmin namaz qılması-Ali İmran 43.

8. Namazın vaxtı:

Bəqərə 238. Namazlara, xüsusilə orta namaza riayət edin və Allaha itaət üçün ayağa qalxın.

Hud 114. Namazı gündüzün iki başında və gecə girən kimi qıl.

İsra 78. Günortadan gecənin qaranlığınadək namaz qıl. Sübh namazını da qıl. Çünki sübh namazı müşahidə olunur.

Nur 58. Ey iman gətirənlər, sahib olduqlarınız, həddi-büluğa çatmayanlar bu üç vaxtda sizdən icazə alsınlar: sübh namazından əvvəl, günorta paltarınızı çıxartdığınız zaman və gecə namazından sonra.

9. Namazda nə demək lazımdır.

Ənkəbut 45. Kitabdan sənə vəhy olunanları oxuyub namaz qıl. Həqiqətən, namaz çirkin və yaramaz işlərdən çəkindirir. Allahı yada salmaq isə ibadətlərin ən əzəmətlisidir. Allah nə etdiklərinizi bilir.

Müzəmmil 20. Elə isə Qurandan sizə asan gələni oxuyun, namaz qılın, zəkat verin və Allah yolunda gözəl bir borc verin.

keywords: namaz,namaz təqvimi,namaz vaxtı,ibadet,ibadət,nece namaz qilmali,namaz qılmanın sertleri,quran,allah